Archivio per 8 Maggio 2010

Vàgites

Posted in Smicjada de Slusori with tags , on 8 Maggio 2010 by gioverre

Mi crompi sol de not:
al scur en tel tiepisin
‘na sintila la zira, la fà,
la se senta denter de mi
e denter de mi la cuno.

Chal strolec conzepiment
me fà plena de grazia?
Sol lat de sanch la vol
la bat che la vol sènter
fora dal sogn denter de mi,
la bat en chel pastrocio
fora dala vita, en do’ cresser
l’è chestion d’amor.

Chel grant plàser del s-ciaudarse
en chel liam de carn
l’è depint sul mè vis
en tel pù grant dolor
del dolze svedelar.

Chante lagrime versà
sota el slusor del zel;
che granda prova l’è chesta
esser de versi mater!

Mai, no son mai sta enzì vìa
a vìver coando ‘n gigiol de vita.
Enzì ne vegnin ‘ncontra
ti che ses nada, en tel compagn
sènter:

me speghli en tel lac de linfa
e vardi su de mi nodar
‘na vos che da l’ aca la ven,
la toa, ven dal font, font d’auter…
d’auter mondo.

Pòpo, straches el me cor
chando das rason a la to carn
e pretendes tut da mi,
ma sul pù bel t’agites,
chando l’è ora de nir chi,
vagites, semper vagites.

 

Leggi la traduzione Continua a leggere